Астана – Қазақстанның жас астанасы. Елдегі ең жаңа, заманауи және сәнді қала. Адамдар мұнда ерекше сәулет нысандарын көру үшін келеді. Қала оны оң және сол жағалауға бөлетін Есіл өзенінің бойында орналасқан. Сол жағалауда Астананың әлемге әйгілі көрікті жерлері бар:
· Жарқыраған көгілдір сфера түріндегі «Нұр-Әлем» болашақ энергиясының мұражайы (Expo 2017 дүниежүзілік көрмесінің мұрасы).
· Өзінің жағажайы бар әлемдегі жалғыз үлкен шатыр – Хан Шатыр
· Биіктігі 97 метрлік Бәйтерек – Қазақстан астанасының символы, таңғажайып өмір ағашы, оның тәжіне, аңыз бойынша, сиқырлы Самұрық құсы ұмтылады.
· Президент резиденциясына тікелей апаратын футуристік сәулетпен қоршалған Нұржол бульвары.
· Ақ қардай «Әзірет Сұлтан» мешіті.
· Жарқыраған пирамида түріндегі Бейбітшілік және келісім сарайы.
· Astana Concert Hall – бұрынғы Президенттік Конгресс-холл ғимараты.
· «Барыс Арена» спорт кешені, мұнда тек хоккей жарыстары ғана емес, концерттер, форумдар және басқа да іс-шаралар өткізіледі.
· Екі деңгейлі амфитеатр түрінде салынған «Астана Арена» стадионы. Мұнда әлемдік деңгейдегі футбол матчтары, сондай-ақ басқа да спорттық және мәдени іс-шаралар өтеді.
· «Алау» мұз сарайы, астананың жабық конькимен сырғанау стадионы және т.б.
· Орталық мешіт – Қабанбай батыр мен Мәңгілік Ел даңғылдарының аралығындағы аумақта орналасқан Орталық Азиядағы ең үлкен және ең айбынды мешіт. Мешіттің жалпы сыйымдылығы 235 мың адамды құрайды, оның ішінде: 30 мың ер адам мен 5 мың әйел бір уақытта залдарда намаз оқи алады; 200 мың адам – ашық аспан астында (170 мың – мешіт ауласында және 30 мың – мінбе мен сахна аймағында). Мешіттің биіктігі 130 метр болатын төрт мұнарасы бар. Мешіттің ашылуы 2022 жылы болды.
